تبلیغات اینترنتیclose
ملا محمد فضولی - غزللر حرف التاء
ملا محمد فضولی در پژوهشهای دکتر حسین محمدزاده صدیق
شرح افکار، احوال و آثار حکیم ملا محمد فضولی بر اساس تحقیقات استاد دکتر حسین محمدزاده صدیق

مطالب مربوط به شناختنامه حکیم ملا محمد فضولی به آدرس زیر انتقال یافته است لطفا بر روی آدرس زیر کلیک فرمایید:

 http://hakimfuzuli.blogfa.com

تصویر - پرتره ملا محمد فضولی. نقاش: ناصر بخشی

پرتره حکیم ملا محمد فضولی

نقاش: ناصر بخشی، هنرمند تبریزی

موضوع : ملا محمد فضولی- غزللر, | بازدید : 689

- 43 -

یورز، یئتر بنه ای سیمِ اشك، بیداد ائت،

گر آقچان ایله آلینمیش قول ایسم، آزاد ائت!

ایتیرمه ایتلری آوازی‌نین کؤنول ذُوقون،

یئتر قارا گئجه‌لر هرزه - هرزه فریاد ائت!

خراب اولان کؤنول، ای بت! سنین مقامیندیر،

تغافل ائیله‌مه، بیر قاچ داش ایله آباد ائت!

ائشیتمه‌دینمی کؤنول، عشقْ مشکل اولدوغونو؟

سنا بو مشکل ایشی كیم دئدی كی بنیاد ائت؟

خلافِ عادته چوخ اولما ای پری! مایل،

یئتر، فسون ایله تسخیرِ آدمیزاد ائت!

صبا! اسیرلرین قصدین ائیله‌میش اول گول،

بیزی هم آندا اگر دوشسه فرصتین، یاد ائت!

فضولی! ایستر ایسن ازدیادِ رتبه‌ی فضل،

دیارِ رومی گؤزت، تركِ خاك بغداد ائت!

- 44 -

عكس رُخسارین ایله اولدو مزیّن مرآت،

بدنِ مرده‌یه فیض نظرین وئردی حیات!

بنزه‌در‌دیم قدِ مُوزونونا فی‌الجمله، اگر،

جان ایچینده الف ائتسه‌یدی قبولِ حركات!

خط بو مضمون ایله‌دیر طرف زنخدانیندا،

كی بو زندانین اسیرینه یوخ اُمید نجات!

كاكیلین قیلدی مقرّر منه سرگشته‌لیگی،

دئمه‌سین كیمسه كی، یوخ گردشِ گردونا ثبات!

غمزه پیکانین ائده‌ر عاشقه چشمین صدقه،

ائیله‌كیم مردم منعم، وئره محتاجا زكات!

آفرین جوهر مقبولونا كیم عالمده،

ممکن اولماز بو صفات ایله كی سنسن بیر ذات.

ای فضولی! ورع و زهد ایله معتاد اولدون،

بیلمه‌دین حالینی، بیهوده كئچیردین اوقات!

- 45 -

ای اسیر دام غم، بیر گوشه‌ی میخانه توت!

توتما زهّادین مخالف پندینی، پیمانه توت!

دیشله‌دیمسه لعلین ای قانیم تؤكن! قهر ائیله‌مه،

توت كی قان ائتدیم، عدالت ائیله، قانی قانه توت!

چیزگینیركی باشینا شمع رُخوندان جانیمی،

منع قیلما، آنی هم اول شمعه بیر پروانه توت!

گر سنه افغانیمی بیهوده دئرسه مدّعی،

اول سؤزه توتما قولاق، بن چكدیگیم افغانه توت.

قیلمازام زنجیر زُلفو تركین، الی ناصح! بنی،

خواه بیر عاقل خیال ائت، خواه بیر دیوانه توت!

ای ‌اولوب سلطان، دئیه‌ن دنیادا بندن غِیری یوخ،

سن اؤزون بیر جُغد بیل، دنیایی بیر ویرانه توت.

ای فضولی! دهر زالی‌نین فریبیندن ساقین،

اولما غافل، ار گیبی تپرن، اؤزون مردانه توت.

- 46 -

بحر عشقه دوشدون ای ‌دل! لعل جانانی اونوت.

بالغ اولدون، گل رحیمدن ایچدیگین قانی اونوت!

وئردی رحلتدن خبر، موی سفید و روی زرد،

چهره‌ی گولگون ایله زُلف پریشانی اونوت.

چك ندامتدن گؤیه دودِ دلین، تؤك قانلی یاش،

سرو نازی ترك قیل، گلبرگ خندانی اونوت!

گؤر غنیمت فقر مُلكونده گدالیق شیوه‌سین،

اعتبار منصب و درگاهِ سلطانی اونوت.

چكمه عالم قِیدینی ای سربلندِ فقر اولان،

سلطنت تختینه ائردین، بند و زندانی اونوت.

معصیت دئرسن یئتر تكرار قیل، دؤنده‌ر ورق،

اؤزگه حرفین مشقین ائت، اوّلكی عنوانی اونوت!

لوحِ خاطرْ صورتِ جانانه قیل آئینه‌دار،

آنی یاد ائت، هر نه كیم یادیندا دیر، آنی اونوت!

ای فضولی! چك ملامت رهگذاریندان قدم،

لحظه- لحظه چكدیگین بیهوده افغانی اونوت!

- 47 -

طلسم گنج اوچون بین اسم اعظم یاد توتدون توت،

طلسمی سیندیریب، گنجی پوزوب، اسمی اونوتدون، توت!

تؤكوب مِی، جام مِی توتماق تمناسین چیخار باشدان،

اؤکوش قانلار تؤكوب عالمده چوخ خونابه اوتدون، توت!

شراب ناب ذُوقوندان نه حاصل چوخ دگیل باقی،

ریاضِ عُمره ‌بین ‌كز سو وئریب آخر قوروتدون، توت!

چو نه جمشید بولموشدور بقا كیفیتین، نه جم،

بو بزم ایچره جم و جمشید الیندن‌جام ‌توتدون، توت!

فضولی! قیل قیاسِ حالین، اهل دهر حالیندان،

قُماری مكر و تزویری حِیل اهلیندن اوتدون، توت!

 

 

- 48 -

مرده جسمیم، التفاتیندان بولور هر دم حیات،

اؤلورم گر قیلماسان هر دم بنا بیر التفات.

یازا بیلمز لبلرین وصفین تمام عُمرده،

آب حیوان وئرسه كلكِ خضره ظُلمتدن دوات.

بن فقیرم، سن غنی، وئرگیل زكات حُسن كیم،

شرع ایچینده هم بنادیر، هم سنا واجب زكات.

گؤرمه‌یینجه عشقینی ایمانا گلمز عاشقین،

یوز پیمبر جمع اولوب گؤسترسه‌لر بین معجزات!

مظهرِ آثار قدرت‌دیر وجود كاملین،

فیضِ فطرتدن غرض سنسن، طُفیلین كائنات!

جوهرِ ذاتیندادیر مجموعِ اوصاف كمال،

بو صفات ایله كی سنسن، قاندا وار بیر پاكْ ذات؟

عشقه تا دوشدون فضولی! چكمه‌دین دنیا غمین،

بیل كی دام عشق ایمیش قید تعلّقدن نجات.

- 49 -

صبا اغیاردان پنهان، غمیم دلدار اظهار ائت،

خبرسیز یاریمی حالِ خرابیمدان خبردار ائت!

گتیر یادیم آنین یانیندا، گر گؤرسن كی قهر ائیله‌ر،

خموش اولما، یئنه دشنام تقریبیله تكرار ائت.

کؤنول غم گونلرین تنها كئچیرمه، ایسته بیر همدم،

اجل خوابیندن افغانلار چكیب، مجنونو بیدار ائت!

چو یوخ عشق آتشی، بیر شعله چكسه‌ طاقتین ای ‌نِی!

باش آغریتما، دم عشق اورما، آنجاق ناله‌ی زار ائت!

بنی رشك اودونا پروانه تك، ای شمع! یاندیرما،

یئتر خورشیدِ رُخسارین چراغ بزم اغیار ائت.

گرفتارِ غم عشق اولالی، آزاده‌ی دهرم،

غم عشقه بنی بوندان بتر، یارب! گرفتار ائت.

فضولی! باخماق اولمور اول گونش یادایله خورشیده،

نه وجه ایله كیم اولسا، گون كئچر، فكرِ شب تار ائت!

 

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شناختنامه ملا محمد فضولی,پژوهشهای دکتر صدیق درباره ملا محمد فضولی,تحقیقات حسین محمدزاده صدیق پیرامون ملامحمد فضولی,شناختنامه ملا محمد فضولی و حسین محمدزاده صدیق,ملا محمد فضولی و دکتر حسین محمدزاده صدیق,دکتر حسین محمدزاده صدیق مصحح آثار ملا محمد فضولی,
ارسال در تاريخ جمعه 31 شهريور 1391 توسط دکترصدیق. ارسال: سید احسان شکرخدایی