تبلیغات اینترنتیclose
ملا محمد فضولی - غزللر حرف الثاء
ملا محمد فضولی در پژوهشهای دکتر حسین محمدزاده صدیق
شرح افکار، احوال و آثار حکیم ملا محمد فضولی بر اساس تحقیقات استاد دکتر حسین محمدزاده صدیق

مطالب مربوط به شناختنامه حکیم ملا محمد فضولی به آدرس زیر انتقال یافته است لطفا بر روی آدرس زیر کلیک فرمایید:

 http://hakimfuzuli.blogfa.com

تصویر - پرتره ملا محمد فضولی. نقاش: ناصر بخشی

پرتره حکیم ملا محمد فضولی

نقاش: ناصر بخشی، هنرمند تبریزی

موضوع : ملا محمد فضولی- غزللر, | بازدید : 806

- 50 -

خط رُخسارېن ائده‌ر لطفده ریحان ایله بحث،

حُسن صورتده، جمالېن گۆل خندان ایله بحث.

اۆزۆنه دورماسېن آیینه اوروب لاف صفا،

نه روا، مه قېلا خورشید درخشان ایله بحث؟

گرچی شمشادده چۏخ لاف لطافت واردېر،

بۆكۆلۆر، ائیله‌سه اۏل سرو خرامان ایله بحث!

قېلسا جان لعلین ایله فیض یئتیرمك بحثین،

جانبِ لعلینی توت، ای کؤنۆل! ائت جان ایله بحث.

جنّتی كویونا زهد اهلی مناسب دئسه‌لر،

نه مناسب كی قېلام بیر نئچه نادان ایله بحث؟

دۆشر اۏد شمع دیلینه بو سببدن كی قېلېر،

دیل اوزالدېب گئجه‌لر اۏل مه تابان ایله بحث!

صفت حُسنۆن ائده‌ر خسته فضولی، نه عجب،

حُسن گفتاردا گر ائیله‌سه حسّان ایله بحث!

- 51 -

جهان ایچره هر فتنه كیم اۏلسا حادث،

آنا سرو قدّین دیر، البته باعث!

مدارِسده تحقیق موی میانېن،

دقایقدن اۏرتایا سالمېش مباحث!

موحّدلره قېلما انكار زاهد،

مِی وحدتی، سانما اُمُّ الخَبائث.

ایكی دیده‌سیز عالمه: یوسف و سن.

سیزه یۏخ جهان ایچره امكانِ ثالث.

بنه جمع اۏلور قاندا كیم وار بیر غم،

بنم ملك عشق ایچره مجنونه وارث.

تؤكۆب اشك كویوندا، وصلین دیلر دل،

ساچار نفع اۆچۆن دانه، تۏپراغا حارث!

عذار و لبین وصفین ائیله‌ر فضولی،

اۏنا هم مفسّر دئرم، هم محدّث.

 

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : شناختنامه ملا محمد فضولی,پژوهشهای دکتر صدیق درباره ملا محمد فضولی,تحقیقات حسین محمدزاده صدیق پیرامون ملامحمد فضولی,شناختنامه ملا محمد فضولی و حسین محمدزاده صدیق,ملا محمد فضولی و دکتر حسین محمدزاده صدیق,دکتر حسین محمدزاده صدیق مصحح آثار ملا محمد فضولی,
ارسال در تاريخ جمعه 31 شهريور 1391 توسط دکترصدیق. ارسال: سید احسان شکرخدایی